View article

Gambiete is hoordergerigte linguistiese items wat meestal ter inleiding van 'n gespreksgedeelte gebruik word en kan 'n tweeledige gespreksfunksie hê; enersyds kan dit 'n gesprekstrukturerende funksie hê wat impliseer dat gambiete kohe-rensie tussen spreekbeurte of binne spreekbeurte handhaaf. Voorts kan gambiete die wisseling van spreekbeurte tussen gespreksdeelnemers reguleer. Andersyds kan dit 'n aanduiding gee van die semantiese kader waarbinne 'n spreker sy uiting geïnterpreteer wil hê. Sommige gambiete het egter net 'n gesprekstrukturerende funksie terwyl ander net 'n semantiese funksie het. 'n Klassifikasie uitgaande van 'n pragmatiese benadering behels die volgende vier hoof-kategorieë: beurtondersteuningsgambiete; beurtnamegambiete; beurthandhawingsgambiete; en beurtgawegambiete. 'n Klassifikasie uitgaande van 'n semantiese benadering behels die volgende ses hoofkategorieë …